لكِ يامليكتي هذه الأغنية فإسمعيها ....

قبل أما تدب خطاكي بأدوب
و أتحرق م الشوق الملهوب
و أتوجع كالفهد المجروح
وما إن يتبدى لي محياكي
و أدوق الرحمة بنبع هواكي
بساتين الفردوس تلوح
روحي فيكي تروح
دوح .. جميل الروح

حسبك شتيتي العقل أشتات
و جنيتي نجوم السماوات
و عديتي الحسن المسموح
إن قلت وداع أنقسم اتنين
فارس متمرد ع القوانين
و كسير مسلم ما بيبوح
روحي فيكي تروح
دوح .. جميل الروح

ولهان في موجاتك سبحان
محاوطني المي و ظمآن
رويني للشوق ينوح
روحينا من بين الأرواح
بيتلاقوا صافيين ملاح
بفردوس العشق المفتوح

تجَلِّيلي

الأولة عاشق
والتانية مستني
والتالتة لغيرك قلبي ماحايغَنّي

الأولة عاشق . يابنت النيل يامصريه
والتانيه مستني . يرِق القلب ياصبيه
والتالِتَة لغيرك قلبي ما حايغَنّي . ياكل ما ليَّ


الأولة عاشق . يابنت النيل يامصريه . ياأُم الآب
والتانية مستني . يرِق القلب ياصبيه . افتحيلي الباب
والتالِتَة لغيرك قلبي ما حايغَنّي . ياكل ما ليَّ . كفاية غياب

الأولة عاشق . يابنت النيل يامصريه . ياأُم الآب . يانبع العِشق يانيلي
والتانية مستني . يرِق القلب ياصبيه . افتحيلي الباب . بنورك نوَّري ليلي
والتالِتَة لغيرك قلبي ما حايغَنّي . ياكل ما ليَّ . كفاية غياب . ياشمس الكون تجَلِّيلي